თბილისი (GBC) - კომპანია "თელასმა" 2021 წლის პირველ ნახევარში ელექტროენერგიის მოხმარება გაზარდა.

წლიური ზრდა 4.1%-ია და 1,360 მლრდ კვტ*სთ-ს აღწევს. კომპანიის ანმგარიშის მიხედვით, ელექტროენერგიის მოხმარების მატება ქვეყანაში ეკონომიკური აქტივობის და ახალი მომხმარებელთა რაოდენობის ზრდამ გამოიწვია.

„თელასის“ აბონენტთა რაოდენობა 2021 წლის ექვსი თვის მონაცემებით 2020 წლის ანალოგიურ პერიოდთან შედარებით 3,5%-ით (23,7 ათასი აბონენტით) გაიზარდა და 692 ათასი აბონენტი შეადგინა, აქედან 623,6 ათასი  - ფიზიკური პირია, 66,4 ათასი – იურიდიური. 

2021 წლის იანვარ-ივნისის მონაცემებით კომპანიის ელექტროგადამცემი ხაზების საერთო სიგრძემ 6 211 კმ შეადგინა, რაც 4,1%-ით (247 კმ-ით) აღემატება 2020 წლის იანვარ-ივნისის მაჩვენებელს (5 964 კმ). კომპანიის ელექტროგადამცემი ხაზების საერთო სიგრძე ქსელის განვითარების, რეკონსტრუქციის და მოდერნიზების სამუშაოების ჩატარების შედეგად გაიზარდა.