თბილისი (GBC) – Bank of Georgia Group-ის (BOGG) ბორდმა დღეს დაამტკიცა ნახევარწლიური ანგარიშის გაცემა.

თითო ჩვეულებრივ აქციაზე ჯგუფი 1.48 ლარის დივიდენდს გადაიხდის, 30 ივნისის მდგომარეობით, რომლებიც რეგისტრირებული აქციონერები იქნებიან 2021 წლის 22 ოქტომბრის მდგომარეობით.

გადახდა 5 ნოემბერს განხორციელდება, ბრიტანულ ფუნტ სტერლინგში, 18-22 ოქტომბრის ლარი / ფუნტის საშუალო გაცვლითი კურსის შესაბამისად.

2013-2019 წლების განმავლობაში, ჯგუფს 648 მლნ ლარზე მეტი დივიდენდი აქვს გადახდილი. მათ შორის, 2019 წელს  124 მლნ ლარი, რაც 4.2%-ით იყო გაზრდილი (y.y), ხოლო დივიდენდის გადახდის კოეფიციენტი  30% იყო.

ამჟამად, ჯგუფის გეგმაა შეინარჩუნოს დივიდენდის რეგულარული გადახდა 25-40%-იანი თანაფარდობით.

შეგახსენებთ, ბანკმა საქართველოს ეროვნულ ბანკს ბუფერების პანდემიამდელ მაჩვენებლამდე აღდგენაზე მიმდინარე წლის მაისში შეატყობინა.

1H21-ის მდგომარეობით, ჯგუფის მიერ გამოშვებული ჩვეულებრივი აქციების კაპიტალი 47,578,565-ია, რაც თითქმის იგივეა რაც  გასული წლის ანალოგიურ პერიოდში (+0.09%), ხოლო 1Q-ში კი 1.1%-ითაა შემცირებული.

საანგარიშო პერიოდში ჯგუფს ხაზინაში 1,590,863 ცალი აქცია აქვს, -2.6% (y.y) და +53.1% (q.q).