თბილისი (GBC) - ავღანეთში მყოფი საქართველოს მოქალაქეების გამოსაყვანად, სპეციალური თვითმფრინავი გაიგზავნება.

გადაწყვეტილების შესახებ პრემიერმა მთავრობის სხდომაზე განაცხადა. საქართველოს მოქალაქეების სამშობლოში უსაფრთხოდ დასაბრუნებლად საგარეო საქმეთა სამინისტრო და შესაბამისი უწყებები განაგრძობენ აქტიურ მუშაობას საერთაშორისო პარტნიორებთან.

როგორც მთავრობის სხდომის დასრულების შემდეგ საგარეო საქმეთა მინისტრის მოადგილემ ალექსანდრე ხვთისიაშვილმა განაცხადა, მიმდინარეობს ნებართვებთან დაკავშირებული სამუშაოები, ჩვენი თვითმფრინავი ჩაფრინდება ქაბულში და უზრუნველყოფს მათ წამოყვანას უკვე ჩვენი ბორტით. ესენი არიან კერძო კონტრაქტორები დასაქმებულები არიან კერძო კომპანიაში. ესენი ყოფილი სამხედროები არიან და მუშაობენ კერძო კონტრაქტით. 17 კაცი დასაქმებულია კანადურ კომპანიაში, 6 - ამერიკულ კომპანიაში", - განაცხადა ხვთისიაშვილმა.