თბილისი (GBC) - ქართულმა მხარებ ჩინური კომპანიის წინააღმდეგ დავა მოიგო. ქართულ მხარეს "საქპატენტი" წარმოადგენდა და დავა ქართული მინერალური წყლის დასახელება „ბორჯომის“ გამოყენებას ეხებოდა.

საქპატენტმა ჩინეთის სასაქონლო ნიშნების დავების განმხილველ უწყებაში ჩინური კომპანიის წინააღმდეგ საჩივარი შეიტანა და აღნიშნული რეგისტრაციების გაუქმება მოითხოვა. დავა ქართული მხარის სასარგებლოდ გადაწყდა და „ბორჯომის“ დასახელებაზე განსაკუთრებული უფლება საქართველოს გარემოს დაცვისა და სოფლის მეურნეობის სამინისტროს მიენიჭა.

ამიერიდან, ჩინეთში, საქართველოს გარემოს დაცვისა და სოფლის მეურნეობის სამინისტროს თანხმობის გარეშე, ადგილწარმოშობის დასახელება „ბორჯომის“ გამოყენება აიკრძალება.