თბილისი (GBC) - საინვესტიციო ჯგუფის Georgia Capital-ის (GCAP) თავმჯდომარის და CEO-ს ირაკლი გილაურის განცხადებით, ინფლაცია შედარებით კარგად არის კონტროლირებული გლობალური სურსათისა და სასაქონლო ფასების ზრდის ფონზე და საშუალოდ 8.3% იყო 2Q21-ში (6.6% 2Q20– ში), შემდგომში კი გაიზარდა 11.9% –მდე ივლისში.

გილაური საერთაშორისო სავალუტო ფონდის (IMF) მონაცემებზე მიუთითებს და აცხადებს, რომ ინფლაციის მაჩვენებელი 2021 წელს მიზნობრივ მაჩვენებელზე მაღლა დარჩება და 2022 წელს მკვეთრად შემცირდება 2.8% -მდე.

მისი თქმით, ვალუტის გამყარებას და ეკონომიკის აღდგენას კვლავ ხელს უწყობს ფულადი გზავნილების შემოდინება (+40.8% 1H21-ში, y.y ) და საქონლის ექსპორტი (+25.5%), ხოლო ტურიზმის შემოსავლების გაუმჯობესებამ 2021 წლის ივნისში მიაღწია 2019 წლის დონის 36% -ს (19% აპრილში და 27% მაისში).

ქართულმა ლარმა გამყარება დაიწყო 2021 წლის მაისის შუა რიცხვებში, რაც წლის დასაწყისთან შედარებით 5.5% -ითაა გამყარებული.

გილაურის თქმით, სავალუტო შემოდინებების აღდგენა, მკაცრი მონეტარული პოლიტიკა, ლარისა და მყარი ვალუტის სესხებსა და დეპოზიტებს შორის საპროცენტო განაკვეთის დიფერენცირების გაზრდა და ბიზნესის განწყობის გაუმჯობესება ლარზე კარგად მოქმედებდა.

„ჩვენი პორტფელის კომპანიების ძლიერმა მუშაობამ, ბოლოდროინდელი პოზიტიური ეკონომიკური მოვლენების ფონზე, განაგრძო პროგრესი ჩვენი ყველა პორტფელის კომპანიაში ბიზნესის ზრდის შესაძლებლობების აღსადგენად, რაც იყო მნიშვნელოვანი ჩვენი 2Q21 და 1H21 შედეგებისთვის“, - აცხადებს გილაური და GCAP-ის კარგად პოზიციონირებაში დარწმუნებულია, იმისათვის, რომ უზრუნვეყოს თანმიმდევრული აქტივების წმინდა ღირებულების (NAV) ზრდა თითო აქციაზე.

2Q21– ში GCAP-ის NAV ერთ აქციაზე გაიზარდა 16.4% -ით 54.48 ლარამდე (13.2% –ით 1H21– ში).