თბილისი (GBC) – Georgia Capital-ი (GCAP) თავისი კერძო პორტფელის კომპანიებიდან, დივიდენდების სახით, სოლიდურ შემოსავლებს პროგნოზირებს.

კერძოდ, 2021-ში GCAP-ი 60-70 მლნ ლარის დივიდენდებს ელის.

რაც შეეხება განვლილ პერიოდს, საინვესტიციო კომპანიამ 1Q21-სა და 2Q21-ში დივიდენდები უკვე მიიღო სადაზღვევო და განახლებადი ენერგიის ბიზნესებიდან, ჯამში (1H21) 14.43 მლნ ლარის ოდენობით.

მათ შორის, 2Q21-ში ქონების დაზღვევიდან და უბედური შემთხვევის დაზღვევის ბიზნესიდან (P&C Insurance), რომლის 100%-იც ალდაგზე მოდის, 5 მლნ ლარის დივიდენდი მიიღო.

ხოლო, განახლებადი ენერგიის ბიზნესებიდან, რომელიც მესტიჭალაჰესისგან, ჰიდროლეას ჰიდროელექტროსადგურისგან და ქართლის ქარის ელექტროსადგურისგან შედგება, 1Q21-ში 4.7 მლნ ლარის, 2Q21-ში კი 4.8 მლნ ლარის დივიდენდი მიიღო (1H21 - ში 9.5 მლნ ₾).   

1H20-თან შედარებით, 1H21-ში GCAP-ის მიღებული დივიდენდების მოცულობა 2.9-ჯერაა გაზრდილი.

2021 წლის 30 ივნისის მდგომარეობით, GCAP-ის ლიკვიდური სახსრების მოცულობა $140 მლნ-ია. მ.შ. ქეში - $60  მლნ,  გაცემული სესხები $50 მლნ , ხოლო გასაყიდი ფასიანი ქაღალდები - $30 მლნ.