პროფესიული სასწავლებლების პოპულარობა საგრძნობლად შემცირდა ბოლო შვიდი წლის განმავლობაში. IDFI-ის კვლევის მიხედვით, პროფესიული სასწავლებლების რიცხვი 2020 წელს 92 იყო და თითქმის არ შეცვლილა 2013 წელთან შედარებით. თუმცა, სტუდენტების რაოდენობა -55%-ით შემცირდა იმავე პერიოდში და 9,399 შეადგინა. ეს შეიძლება აიხსნას პროფესიული სასწავლებლების არაპოპულარობითა და დაბალი ხარისხის განათლებით. ასევე, შემცირდა კერძო პროფესიული სასწავლებლების წილი 57%- მდე (-15 პროცენტული პუნქტი) იმავე პერიოდში, რაც ბიზნეს სექტორის დაბალ ინტერესზე მიუთითებს აღნიშნული სასწავლებლების მიმართ.

ჩარიცხული სტუდენტების 39% თბილისში სწავლობს, მაგრამ კურსდამთავრებულების წილი (36%) ქვეყნის საშუალო მაჩვენებელზე დაბალია. თბილისში ერთ სტუდენტზე მასწავლებლების რაოდენობა 1.6-ია, რაც ასევე ქვეყნის საშუალო მაჩვენებელზე (2.1) დაბალია. სხვა რეგიონებში აჭარა ლიდერობს ჩარიცხული სტუდენტების რაოდენობით (17%), და 48%-იანი კურსდამთავრებულების წილით, რომელიც ქვეყნის საშუალო მაჩვენებელზე ბევრად მაღლაა.

საქართველოსთან შედარებით, ევროკავშირში მოსწავლეების თითქმის ნახევარი პროფესიულ სასწავლებელს ირჩევს მე-9 კლასის შემდეგ, როდესაც საქართველოში ეს მაჩვენებელი მხოლოდ 1%-ია. ეს განსხვავება შეიძლება აიხსნას საქართველოში პროფესიული სასწავლებლების არაპრესტიჟულობით და სამუშაო ბაზარზე რეგულაციების არ არსებობით, რომელიც დასაქმებულს ლიცენზიას ან სერტიფიკატს მოსთხოვდა.