თბილისი (GBC) - კომუნიკაციების კომისიამ  ტელეკომპანია „ალტ ინფო“ უხამსობის  ტირაჟირებისთვის სამართალდამრღვევად ცნო.

5, 6, 7 და 12 ივლისის გადაცემებში ( „ალტ ინფო“ , „ალტ-ინტერვიუ“ ,„ალტ-ანალიტიკა“) წამყვანები და მიწვეული სტუმრები  უცენზურო სიტყვებით საუბრობდნენ.

კომისია აღნიშნავს, რომ კანონმდებლობით საზოგადოებრივ-პოლიტიკურ გადაცემებში უხამსობის განთავსება ეწინააღმდეგება მაუწყებლის სრულწლოვანი და არასრულწლოვანი აუდიტორიის უფლებებს. კომისიის მიზანს წარმოადგენს სტანდარტების დადგენა და არა მათი სანქცირება. ამიტომ ცდილობს სტანდარტის დამკვიდრებამდე არ დააკისროს მაუწყებლებს ჯარიმა, მაგრამ დააფიქსიროს დარღვევა.

დარღვევის  განმეორების შემთხვევაშის  კანონი დამრღვევის შემოსავლის 0.1%-0.5%-მდე  განაკვეთით დაჯარიმებას ითვალისწინებს.

ალტ ინფოს დარღვევა მარეგულირებლის მიერ ბაზრის გეგმიური მონიტორინგის ფარგლებში განოვლინდა.  კომისია ადმინისტრაციული საქმეს ასევე აწარმოებს მომხმარებლის სარჩელის საფუძველზე.