თბილისი (GBC) -მულტინაციონალურ კორპორაციებს (BOOKING, GOOGLE, FACEBOOK, YOUTUBE, NETFLIX, SPOTIFY ...) ფიზიკური პირის მომსახურებაზე დღგ-ს  ვალდებულება 2022 წლის იანვარში დაუდგებათ.  Q3/2021-ის დეკლარაცია უნდა წარადგონონ 20 იანვრამდე და გადაიხადონ  31 იანვრამდე. 

ცვლილებები საგადასახადო კანონმდებლობაში ევროკავშირთან ასოცირების შეთანხმების თანახმად, 2021 წლის 1 იანვრიდან ამოქმედდა.

ფინანსთა სამინისტროს შემოსავლების სამსახურის ვებგვერდზე შეიქმნა პორტალი -  https://nr.rs.ge/ რომლის მეშვეობით აღნიშნული დასაბეგრი პირები მარტივად გაივლიან რეგისტრაციას და განახორციელებენ ანგარიშგებას.

არარეზიდენტს (მაგ: BOOKING.COM) დღგ-ით დაბეგვრის ვალდებულება წარმოეშობა, მხოლოდ იმ ციფრული მომსახურების მიწოდებაზე (საკომისიო თანხაზე), რომელსაც გაუწევს საქართველოს ტერიტორიაზე არსებულ არამეწარმე ფიზიკურ პირს.

ციფრულ სერვისების მიმწოდებლებში შედის ტელე, რადიო , სატელეკომუნიკაციო და ელეტრონული მომსახურების გამწევი კომპანიები.