თბილისი (GBC) - საქართველოს საბანკო ასოციაციის პრეზიდენტმა ალექსანდრე ძნელაძემ და აღმასრულებელმა დირექტორმა გიორგი ბაგრატიონმა, საბანკო და მთლიანად საფინანსო სექტორში არსებული  მდგომარეობა  და გამოწვევები საფინანსო საბიუჯეტო კომიტეტის თავმჯდომარესთან განიხილეს.

ირაკლი კოვზანაძემ აღნიშნა, რომ კომიტეტი ყოველთვის მხარს დაუჭერს  ნებისმიერ ინიციატივას, რომელიც ხელს შეუწყობს საფინანსო სექტორის მდგრადობის უზრუნველყოფას, ლიკვიდობის ზრდას,  კონკურენციის შენარჩუნებას, მომხმარებელთა უფლებების დაცვას და ახალი საბანკო და საფინანსო  პროდუქტების დანერგვას.

„კომიტეტის კარი ღიაა ნებისმიერი  კომერციული ბანკის, სადაზღვევო კომპანიის, მიკროსაფინანსო ორგანიზაციის  თუ სხვა საფინანსო ინსტიტუტის  წარმომადგენლებისთვის, მზად ვართ სამუშაო ფორმატში განვიხილოთ ყველა საკითხი, რაც ხელს შეუწყობს ამ სფეროს კიდევ უფრო ზრდას და  გაჯანსაღებას“- ირაკლი კოვზანაძემ სებ-ის რეფორმებზე მათ შორის კომერციული ბანკების რეზოლუციის ჩარჩოს შემოღების მნიშვნელობაზე  აღნიშნა.