თბილისი (GBC) – TBC Capital-ის ინფორმაციით, 6-12 ივლისის თვეში მოსახლეობის მიერ უნაღდო ხარჯების ზრდამ სასურსათო და სააფთიაქო პროდუქტებზე 42% შეადგინა (y.y), რაც იგივე დონეზეა რაც წინა კვირას.

სხვა კატეგორიებში უნაღდო დანახარჯების ზრდა, სასურსათო და სააფთიაქო პროდუქტების გარდა, იმავე პერიოდში 46% –ით გაიზარდა (y.y).

სასტუმროებში უნაღდო ხარჯების ზრდამ, თიბისი ბანკის არხების საშუალებით, 19% შეადგინა, რაც მცირედით შემცირებულია წინა კვირასთან შედარებით.

6-12 ივლისის პერიოდში რესტორნებსა და კაფეებში უნაღდო ხარჯებმა ზღვრული ზრდა აჩვენა, ჯამში 77%.

ტანსაცმელზე უნაღდო დანახარჯების ზრდა წინა კვირასთან შედარებით მცირედით შემცირდა.

გასართობად უნაღდო ხარჯები დარჩა პოზიტიური ზრდის ნიშნულზე და იმავე პერიოდში 12% შეადგინა (y.y).

უნაღდო ხარჯების ზრდამ ფიტნესზე 11% შეადგინა, რაც წინა კვირასთან შედარებით მნიშვნელოვნადაა შემცირებული.

სამშენებლო მასალებზე უნაღდო ხარჯების ზრდა მნიშვნელოვანი დარჩა და 6-12 ივლისის პერიოდში 80% -იანი ზრდა აჩვენა.

უნაღდო ხარჯვამ ავეჯსა და ტექნიკაზე +76% შეადგინა; ელექტრონიკაზე უნაღდო ხარჯების ცვლილებამ +52% შეადგინა; პირადი მოვლის უნაღდო ხარჯებმა +88%; სხვა სამომხმარებლო საქონელზე უნაღდო ხარჯებმა +63% შეადგინა.

ავტომობილების შეკეთებაზე უნაღდო ხარჯების ცვლილება თითქმის უცვლელი დარჩა წინა კვირასთან შედარებით, ანალოგიურ პერიოდში +62%; საწვავზე და ტრანსპორტზე უნაღდო ხარჯების ზრდამ +56% შეადგინა.

6-12 ივლისის პერიოდში ექიმის ვიზიტებზე უნაღდო ხარჯები გაორმაგდა, ხოლო სამედიცინო აღჭურვილობის უნაღდო ხარჯვის ცვლილებამ +93% შეადგინა იმავე პერიოდში.