2021 წლის III კვარტლისთვის ბიზნესის განწყობის ინდექსი (BCI) 34.7 პუნქტით გაიზარდა და 36.4-ს გაუტოლდა, წინა კვარტალში მცირედი გაუარესების შემდეგ. ISET-ის კვლევის მიხედვით, ბიზნესის განწყობის ყველაზე დიდი გაუმჯობესება ვაჭრობის სექტორში დაფიქსირდა, რომელსაც მოყვება სოფლის მეურნეობისა და მომსახურების სექტორები. BCI-ის დადებითი ცვლილება 2021 წლის III კვარტლისთვის ოპტიმისტურმა მოლოდინებმა და გაუმჯობესებულმა მიმდინარე მდგომარეობამ განაპირობა.

მოთხოვნისა და ფინანსებზე ხელმისაწვდომობის სიმცირე ბიზნეს საქმიანობისთვის კვლავ ერთ- ერთ ყველაზე მნიშვნელოვან შემზღუდველ ფაქტორად რჩება. ამასთან, კვალიფიციური კადრების ნაკლებობა დიდი ზომის საწარმოებისთვის უფრო მნიშვნელოვან პრობლემას წარმოადგენს ვიდრე მცირე და საშუალო ზომის კომპანიებისთვის. 2021 წლის III კვარტლისთვის, "სხვა" ფაქტორები ნაკლებად მნიშვნელოვანია როგორც დიდი, ისე მცირე და საშუალო ზომის კომპანიებისთვის (გასული ოთხი კვარტლის მდგომარეობით, საშუალოდ, დიდი კომპანიების 35% და მცირე და საშუალო კომპანიების 31% ასახელებდა "სხვა" ფაქტორებს მთავარ შემზღუდველ ფაქტორად), რაც შესაძლოა COVID-19-ით გამოწვეული შეზღუდვების შემსუბუქებაზე მიუთითებდეს.