თბილისი (GBC) - ივნისში არარეზიდენტების მფლობელობაში ფასიანი ქაღალდების ღირებულებამ 716.3 მლნ ლარი შეადგინა, რაც წინა თვის მაჩვენებელზე დაახლოებით 19.0 მლნ ლარით მეტია. შედეგად, ამავე პერიოდში, მთავრობის ფასიან ქაღალდებში არარეზიდენტების წილი გაიზარდა და 13.2%-ით განისაზღვრა (12.8% - მაისში).

ასევე, ეროვნული ბანკის მფლობელობაში არსებულმა სახაზინო ფასიანი ქაღალდების წილმა ზრდა განაგრძო და, მაისში 22.8%-ის შემდეგ, ივნისში 24.5% შეადგინა. სახაზინო ფასიანი ქაღალდების ფლობაში უდიდესი წილი, 60.9%-ით, კვლავ ბანკებზე მოდიოდა, თუმცა აღსანიშნავია, რომ ბანკების წილი ეტაპობრივად მცირდება.