თბილისი (GBC) - მთავრობა ოჯახებს იპოთეკური სესხის პროცენტის 6-8%-ის ფარგლებში დაუსუბსიდირებს. ეკონომიკის მინისტრის განცხადებით, პირველი ან მეორე შვილის შეძენაზე სახელმწიფო პროცენტის სულ მცირე 5-6%-ს დაასუბსიდირებს, ხოლო მესამე შვილზე 8%-ს.

"პროგრამა აწარმოე საქართველოში გასცემს საკმაოდ სოლიდური დოზით იპოთეკური სესხის პროცენტის თანადაფინანსებას იმ ოჯახებზე, ვისაც შვილი შეეძინებათ და მოინდომებენ საკუთარი საცხოვრებელი პირობების გაუმჯობესებას. განსაკუთრებულ აქცენტს მრავალშვილიან ოჯახებზე გავაკეთებთ; პირველი ან მეორე შვილის შეძენის შემთხვევაში სულ მცირე 6% თანადაფინანსება მოხდება ჩვენს მიერ. მესამე ან ყოველ მომდევნო შვილზე, იქნება 8%-იან თანადაფინანსება. ეს პრაქტიკულად ნიშნავს, რომ პროცენტის უდიდესი ნაწილი სახელმწიფოს მიერაა გაღებული",-აცხადებს თურნავა. მთავრობა ელის რომ აღნიშნული პროგრამით 60 000-დან 300 000-ლარამდე იპოთეკური სესხების დაფინანსება მოხდება.