თბილისი (GBC) - 1Q21-ში მიმინარე ანგარიშის დეფიციტმა $365.5 მლნ (1.2 მლრდ ლარი) შეადგინა. მიმდინარე ანგარიშის ფორმირებაში საქონლით ვაჭრობისა და შემოსავლების ანგარიშებს უარყოფითი წვლილი შეაქვს, ხოლო მომსახურებით ვაჭრობასა და მიმდინარე ტრანსფერებს - დადებითი.

1Q21-ში, მიმდინარე ანგარიშის უარყოფითი სალდო წლიურად 13.8%-ით, ხოლო მშპ-სთან ფარდობა -11.2%-დან -10.7%-მდე შემცირდა.

მიმდინარე ანგარიშის ყველაზე დიდი კომპონენტი კვლავ საქონლით ვაჭრობა იყო, რომლის უარყოფითი სალდო წლიურად 14.5%-ით შემცირდა და $755.6 მლნ (2.5 მლრდ ლარი) შეადგინა. ამავდროულად, საქონლის ექსპორტი წლიურად 4.8 %-ით გაიზარდა, ხოლო იმპორტი 4.1%-ით შემცირდა.

1Q21-ში წმინდა შემოსავლის ანგარიში -$137.6 მლნ (-455.9 მლნ ლარი) იყო. შემცირდა როგორც დადებითი წმინდა შრომის ანაზღაურება (35.2 %-ით), ასევე უარყოფითი წმინდა საინვესტიციო შემოსავალი (25.3 %-ით). 

მიმდინარე ანგარიშის ტრადიციულად დადებითი კომპონენტია მიმდინარე ტრანსფერები, რომლის კრედიტი წლიურად 30.2%-ით გაიზარდა და 1Q21-ში $526.9 მლნ-ს (1.7 მლრდ ლარი) გაუტოლდა. ამ პერიოდში კერძო სექტორის წმინდა ტრანსფერები 28.9%-ით გაიზარდა $482.7 მლნ-მდე (1.6 მლრდ ლარი). გაზრდილია სამთავრობო სექტორის წმინდა ტრანსფერებიც.

წმინდა უცხოურმა პირდაპირმა ინვესტიციებმა, პირველ კვარტალში $42.3 მლნ (140.2 მლნ ლარი) შეადგინა, რაც კვარტალური მშპ-ს 1.2 %-ია.