თბილისი (GBC) - ISET-ის რესპოდენტების მხოლოდ 6% თვლის, რომ ბოლო 12 თვეში მისი ოჯახის ფინანსური მდგომარეობა გაუმჯობესდა. 35.2% ამბობს რომ არ შეცვლილა. 38.7% მიიჩნევს, რომ მცირედით გაუარესდა, 18.6% კი ამბობს რომ საგრძნობლად.

მოსახლეობის განწყობა პოზიტიურისკენ იცვლება. ISET-ის მიმდინარე მდგომარეობისა და მოლოდინების ინდექსი მაისში გაუმჯობესდა. მიზეზად ეკონომიკური აქტივობის აღდგენა და მაღალი ეკონომიკური ზრდა (აპრილი +48%) სახელდება. თუმცა,  ISET-ის მიერ გამოკითხული მოსახლეობის უმრავლესობა თვლის რომ მომდევნო 1 წლის განმავლობაში დანაზოგის გაკეთებას ვერ შეძლებს. მომდევნო 12 თვის განმავლობაშის დაზოგვის შესაძლებლობას მხოლოდ 7.2% ხედავს.88.3% მიიჩნევს, რომ ვერ შეძლებს 3.7%-ს პასუხი უჭირს. 

რესპოდენტების 13.2% ამბობს რომ მისი ოჯახი ვალებშია და მხოლოდ 2.9% პასუხობს, რომ მცირედი დანაზოგის გაკეთებას ახერხებენ.

რესპოდენტების 45% -ის აზრით, ახლა დანაზოგის გასაკეთებლად სახარბიელო ეკონომიკური სიტუაცია არ არის. 30%-სთვის თანხის დასაზოგად კარგი დროა. 16% -ის აზრით დანაზოგისთვის „ძალიან ცუდი დროა“.

გამოკითხულთა უმრავლესობა - 48% არც საყიდლებისთვის მიიჩნევს არსებულ სიტუაციას სახარბიელოდ. 43%-სთვის შენაძენისთვის ახლა არც ცუდი და არც კარგი პერიოდია.