თბილისი (GBC) - საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ)ბუნებრივი გაზის გამანაწილებელი მცირე კომპანიებისათვის - შპს „გასკო +“, შპს „ვარკეთილაირი“, სს „ენერგოკავშირი “ ბუნებრივი გაზის მიწოდებისა და მოხმარების ტარიფების კორექტირებაზე იმსჯელა. კორექტირებული ტარიფები ძალაში შევა პირველი ივლისიდან და იმოქმედებს 2022 წლის 31 დეკემბრის ჩათვლით.

შპს „გასკო +“ ოპერირებს ქ. სენაკში და ემსახურება   9 ათასამდე აბონენტს. შპს „ვარკეთილაირი“ ოპერირებს ქ.თბილისში, ვარკეთილში 16 ათასამდე აბონენტს ემსახურება. სს „ენერგოკავშირი“ ოპერირებს ქ. თბილისში, ემსახურება გლდანისა და მუხიანის რამდენიმე მიკრორაიონს, ჯამში  12 000-მდე აბონენტს.

კომისიის მიერ მიღებული გადაწყვეტილებების შესაბამისად, შპს „გასკო +“-ის კორექტირებული ტარიფია 53.351 თეთრი/მ³ დღგ-ს ჩათვლით. პირველ ივლისამდე მოქმედი ტარიფი შეადგენს 48.301 თეთრი/მ³-ს. 

შპს „ვარკეთილაირის“ კორექტირებული ტარიფია  57.062 თეთრი/მ³.  პირველ ივლისამდე მოქმედი ტარიფი შეადგენს 48.677 თეთრი/მ³-ს. 

სს „ენერგოკავშირის“ კორექტირებული ტარიფია 57.794 თეთრი/მ³.   პირველ ივლისამდე მოქმედი ტარიფი შეადგენს 49.443 თეთრი/მ³-ს. 

ტარიფების ცვლილების საფუძველს წარმოადგენს ბუნებრივი გაზის ტარიფების გაანგარიშების მეთოდოლოგიის 28-ე მუხლის მე-4 პუნქტის საფუძველზე სემეკში შესული კომპანიების მოთხოვნები ტარიფების კორექტირებასთან დაკავშირებით. 

შეგახსენებთ, რომ ცოტა ხნის წინ ტარიფი გაიზარდა თბილისი ენერჯისთვისაც.