თბილისი (GBC) - ვადასტურებ უკრაინის მხარდაჭერას საქართველოს სუვერენიტეტისა და ტერიტორიული მთლიანობისადმი, მის საერთაშორისოდ აღიარებულ საზღვრებში, –  უკრაინის პრეზიდენტმა, ვლადიმირ ზელენსკიმ საქართველოს პრეზიდენტს, ერთობლივ პრესკონფერენციაზე, უკრაინის ტერიტორიული მთლიანობის მხარდაჭერისა და რუსული აგრესიის დაგმობისთვის მადლობა გადაუხადა..

„მინდა გამოვხატო გულწრფელი მადლიერება საქართველოსგან ურყევი მხარდაჭერისთვის, ანექსიის მცდელობის არაღიარებისა და რუსული აგრესიის დაგმობისთვის. ჩვენ იმედი გვაქვს, რომ ქართულ მხარესთან აქტიურად ვითანამშრომლებთ ყირიმის პლატფორმის ფარგლებში ყირიმელების უფლებების დაცვის და ნახევარკუნძულის დეოკუპაციის მიზნით.  ჩემი მხრივ, უკრაინის მხრიდან მინდა, დავადასტურო საქართველოს სუვერენიტეტისა და ტერიტორიული მთლიანობის მხარდაჭერა, მის საერთაშორისოდ აღიარებულ საზღვრებში“, – განაცხადა ზელენსკიმ.