თბილისი (GBC) - ვაქცინაციის პროცესის გაფართოებისთვის და კიდევ უფრო ეფექტურად წარმართვისთვის საჭირო ღონისძიებებზე იმსჯელეს, პრემიერის ინიციატივით გამართულ შეხვედრაზე, რომელსაც ქვეყნის წამყვანი კლინიკების ხელმძღვანელები ესწრებოდნენ. მხარეებმა    საქართველოს მასშტაბით დიდ ქალაქებში მასობრივი ვაქცინაციის ცენტრების მაქსიმალურად დროულად  მობილიზების საკითხები განიხილეს .

,,ჯეო ჰოსპიტალს“ის რეგიონული ქსელი , რომელიც მაქსიმალურად არის ჩართული კოვიდ პანდემიის  მართვისა და ვაქცინაციის პროცესში , ახალ ეტაპზე გადადის და მასშტაბური აცრების  დაჩქარების მიზნით ,  ამბულატორიებსა და სამედიცინო დაწესებულებებში დამატებით შექმნის იმუნიზაციის კაბინეტებს“-განაცხადა ,,ჯეო ჰოსპიტალს“ის გენერალურმა დირექტორმა ზურაბ ქიტოშვილმა, რომლის თქმითაც    შეხვედრაზე მხარეებმა ვაქცინაციის პროცესის მიმდინარეობის შესახებ პრემიერს სრული  ინფორმაცია მიაწოდეს. შეხვედრის ერთერთი მთავარი თემა იყო ვაქცინების დამატებითი დოზების შემოსვლის ვადები, ცნობილია რომ , რომ ორ კვირაში ქვეყანაში ვაქცინის მილიონი დოზა შემოვადა წლის ბოლომდე, საქართველოში ჯამში მობილიზებული იქნება 3,6 მილიონზე მეტი ვაქცინა.

 მთავრობის მეთაურმა  კლინიკების დირექტორებს ,საკოორდინაციო საბჭოს მიერ მიღებული ახალი გადაწყვეტილებები გააცნო, რომლის მიხედვითაც 1 ივლისიდან გადაადგილების შეზღუდვა უქმდება და დღეიდან, ღია სივრცეში პირბადის ტარება სავალდებულო აღარ იქნება.

პრემიერის ინიცაიტივით გამართულ შეხვედრას, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძე და  დაავადებათა კონტროლის ეროვნული ცენტრის ხელმძღვანელმა ამირან გამყრელიძე ესწრებოდნენ