თბილისი (GBC) - მეორად ბაზარზე რკინიგზის ობლიგაციებით ვაჭრობა უკვე დაწყებულია. პრემიუმმა 1.75-ს მიაღწია. აუცილებელი იქნება რომ რკინიგზამ გაიუმჯობესოს რეიტინგი, რომ საპენსიო სააგენტომ შეძლოს მისი ბონდების ყიდვა, -  განაცხადა  ოთარ შარიქაძემ, მმართველმა Galt & Taggart -ის, რომელიც GR-ის 7 წლიანი ბონდების განთავსების თანამენეჯერია (თანაწამყვანი აგენტები - JP Morgan, Citi, Renaissance Capital, TBC კაპიტალი. იურიდიულ მრჩევლები: Dechert და Linklaters, MG Law და BLC Law ). მწვანე ბონდებს Fitch Ratings -მა საბოლოო 'BB-' ხუშაბათს მიანიჭა. 

ოთარ შარიქაძის თქმით,  ინვესტორების ნაწილი ის საინვესტიციო ფონდებია, რომლებსაც ასევე ინვესტიცია განხორციელებული აქვთ საქართველოს მთავრობის ობლიგაციებში.

საქართველოს რკინიგზამ (GR) ლონდონის საფონდო ბირჟაზე, 2012 წელს გამოშვებული, 500 მილიონის აშშ დოლარის ბონდების (ვადა 10 წელი, განაკვეთი -7.75%), 7 წლიანი მწვანე ევროობლიგაციებით (წლიურ 4.00%-ად) ვადამდე რეფინანსირებაზე პარასკევს გამოაცხადა. რეფინანსირების პროცედურები 3 ივნისს დაიწყო  და 23 ივნისამდე ჰქონდა ვადა. $457 მლნ-მდე იყო 9 ივნისისთვის შევსებული.