თბილისი (GBC) - საქართველოს რკინიგზამ თავისი 10 წლიანი ვადიანობის $500 მლნ-იანი ევრობონდები (7.75%-იანი), ახალი, 7 წლიანი მწვანე ბონდებით ვადაზე 1 წლით ადრე გუშინ გადაფარა, 4%-ში.

ახალ ემისიაში ინვესტორების როლი  ADB-მ (აზიის განვითარების ბანკი) და EBRD-მ (ევროპის რეკონსტრუქციისა და განვითარების ბანკი) შეასრულეს.

მათ შორის კი EBRD-ის ინვესტიციამ $50 მლნ შეადგინა.  

EBRD– ის დირექტორის და ევრაზიის ინფრასტრუქტურის ხელმძღვანელის ეკატერინა მიროშნიკას განცხადებით, ესაა მნიშვნელოვანი ეტაპი საქართველოს რკინიგზისა და საქართველოსთვის. „ჩვენ ვამაყობთ, რომ ვართ ამ წარმატებული მწვანე ობლიგაციების განთავსების ნაწილი.

მიროშკინას განცხადებით, EBRD გეგმავს გაზარდოს მწვანე ფინანსები რეგიონში, რათა დაეხმაროს ქვეყნებსა და ბიზნესებს ნულოვან ემისიაზე გადასვლის პროცესში.

მწვანე ბონდებს Fitch Ratings -მა საბოლოო 'BB-' გუშინ მიანიჭა.

დღეისათვის EBRD-მა საქართველოში €4 მლრდ-ზე მეტი ინვესტიცია განახორციელა 262 პროექტში ფინანსურ, კორპორაციულ, ინფრასტრუქტურულ და ენერგეტიკულ სექტორებში, ამ ინვესტიციების 79% კერძო სექტორზე მოდის.