თბილისი (GBC) - Georgia Capital PLC- ის (CGEO)  თანამშრომელთა ცვალებადი ანაზღაურების ტრასტის მმართველმა, Sanne Fidiciary Services Limited-მა, დამოუკიდებელი ბროკერის შუამავლობით, CGEO-ს 41,229 ცალი ჩვეულებრივი აქცია შეისყიდა (ნომინალური ღირებულებით £0.01).

ტრანზაქცია 1 ივნისს შედგა. ფასმა კი თითო აქციაზე £6.15 შეადგინა.

იქამდე, 28 მაისს, Sanne-მ კიდევ 40,000 ცალი ჩვეულებრივი აქცია შეიძინა, ფასმა კი თითო აქციაზე £6.07 შეადგინა.

ტრასტს აქციები მისი პოტენციური ბენეფიციარების ჯილდოებისთვის უჭირავს, რომელთა შორის აღმასრულებელი დირექტორები და ჯგუფის მენეჯერული პასუხისმგებლობის მქონე პირები არიან.

აღნიშნული ტრანზაქციების შემდეგ, თანამშრომელთა ცვალებადი ანაზღაურების ტრასტის საკუთრებაში 3,331,316 ცალი აქციაა, რაც CGEO-ს  მიერ გამოშვებული სააქციო კაპიტალის 6.95%-ია. 

ტრასტის მიერ განთავსებული აქციებიდან 1,404,610 ცალი გადანაწილებულია არსებულ ჯილდოებზე (42.2%).

დღეს, CGEO-ს აქციების ფასი £6.15-6.35-ის ფარგლებში მერყეობს.

შესაბამისად, არსებული ჯილდოებისთვის განკუთვნილი 1.4 მლნ აქციის ფასი დღევანდელი „რეინჯით“£8.6-8.9 მლნ-ის ფარგლებში მერყეობს.

გასული კვირა კი CGEO-ს აქციებზე £6.18 ფასით დაიხურა (-1.3%/w.w), ვაჭრობის მოცულობამ კი 138 ათასი შეადგინა.