თბილისი (GBC) – კოვიდ ინფიცირებულების მკურნალობის, კარანტინის ორგანიზების და ვაქცინის შესყიდვის ხარჯი 2020/2021 წლებში ₾ 870 მლნ-ია. მოსახლეობის დახმარებისთვის გაიცა ₾1.338 მლრდ, 162 300 სამუშაოდაკარგულმა  მიიღო ₾280 მლნ , კომუნალურების ხარჯი ₾ 550 მლნ -ით, 1.1 მლნ აბონენტს დაუსუბსიდირდა, - დონორების მოზიდული ფულის ხარჯვის კალკულაცია, ხუციშვილმა, მინისტრის საათზე პარლამენტარების კითხვების საპასუხოდ წარადგინა.

80 000 -მა სოციალურად დაუცველმა ოჯახმა ₾110 მლნ მიიღო, 26 000 მრავალშვილიანმა  - ₾30 მლნ; შშმ პირებმა (45 000 ოჯახი) -  ₾55 მლნ.

თვითდასქმებულთა და პანდემიის კრიზისით გაჩერებული ობიეტების ერთჯერადი ₾300 დახმარებისთვის  ₾110 800 000 დაიხარჯა. I ეტაპზე 248 334 -მა, II ეტაპზე 120 400 მოქალაქემ მიიღო.

18 წლამდე ასაკის პირების 200 ლარიანი შემწეობა 930 000 ბავშვმა მიიღო. მთლიანი პორტფელი 187 800 000 ლარია და მოიცავს stop.cov.fund -ში  მობილიზებულ 123 მლნ ლარსაც, რომელიც მინისტრის თქმით განიკარგა ბავშვების დახმარებსთვის.  16 600 სტუდენტს  სწავლა 14 800 000 ლარით დაუფინანსდა.

დონორებისგან მოზიდული სახსრებიდან ₾1 058  მლრდ-ით დაფინანსდა ბიზნესის მხარდაჭერის პროგრამები. მათ შორის საშემოსავლოს შეღავათის ნაწილში, 440 000 პირისთვის, ₾540 მლნ; ტურიზმის სექტორის საგადასახადო შეღავათზე - ₾95 მლნ; საკრედიტო საგარანტიო სქემა - ₾97 მლნ (ბიზნესების გაკოტრებისგან დასაცავად), სასტუმრო -რესტორნების სესხის სუბსიდირებისთვის დაიხარჯა  ₾51 200 000,

სამშებნებლო სექტორისთვის  - 44 მლნ ლარი (გარანტიები გაიცა, თუ დეველოპერი ვერ გაყიდდა, სახელმწიფო შეისყიდიდა).

მცირე გრანტების პროგრამა ₾17 500 000 -ით, სოფლის მეურნეობა - ₾ 213 000 000 -ით დაფინანსდა (მოიცავს რთველის პროგრამასაც).

სულ, საბიუჯეტო ეფექტია ₾3 266 100 000 ლარი.