თბილისი (GBC) –  სხვა პარტიებს არ ჰყავს ისეთი  დამფინანსებელი თქვენ რომ გყავთ, სახელმწიფო ბიუჯეტზე მეტი რესურსით", - პაატა მანჯგალაძემ  (სტრატეგია აღმაშენებელი) მმართველი პარტიის მხრიდან, რეპრესიების მცდელობაზე განაცხადა, პარტიების დაფინანსების შეზღუდვის საკაანონმდებლო ცვლილებების ინიცირებით.

"დემოკრატიის ხშირი ხსნება არ ნიშნავს დემოკრატიის დაცვას", - მანჯგალაძემ  ანრი ოხანაშვილს მოუწოდა ვენეციის კომისიის რეკომენდაციების დაცვისკენ. უთხრა, რომ საბოტაჟისგან დემოკრატიის დაცვის  არგუმენტიც ვენეციის კომისიასთან არ გამოადგება, რადგან პარალმენტს გარეთ პარტიულ საქმიანობას  კომისია მხარს უჭერს. საბოტაჟი სისხლის სამართლის კოდექსით დარეგულირებულია. პარტიების დაფინანსება კი თავისი შინაარსით  და დემოკრატიული ქვეყნების სტანდარტით, ამომრჩეველთა ხმაზეა მიბმული და არა პარტიის წევრის საპარლამენტო საქმიანობაზე. ღია სივრცეში პოლიტიკურ მოღვაწეობას ცივილიზებული სამყარო არ ზღუდავს, თან დემოკრატიის დაცვის ეგიდით.