თბილისი (GBC) -  TBC-ის დირექტორის მოადგილე, ნიკა ქურდიანი TBCG-ის აქციებზე ფასის მატების პარალელურად, შემოსავლის გენერირებას აქტიურად ახორციელებს.

მან 28 მაისს, ლონდონის საფონდო ბირჟაზე, თავისი კუთვნილი  9,377 ჩვეულებრივი აქცია გაყიდა (ნომინალური ღირებულებით £0.01).

აქციების გაყიდვის საშუალო ფასმა £11.67 შეადგინა, რითიც ქურდიანმა ჯამში £109,473 შემოსავალი მიიღო.

მან 20,000 აქცია 27 მაისსაც გაყიდა, როცა საშუალო ფასი £11.3 იყო და რითიც მან £226,035 შემოსავალი მიიღო.

იქამდე კიდევ 24-ში 5,000 ცალი £11.16-ად, რითიც £55,800-ის შემოსავალი მიიღო.

ქურდიანმა აქციები 18 მაისსაც გაყიდა (8,163), როცა საშუალო ფასმა £11.04 შეადგინა. ტრანზაქციით ქურდიანმა £90,131-ის შემოსავალი მიიღო.

ნიკა ქურდიანს 19-ში სახელფასო აქციებიც გადაეცა 11,914 ცალი, რომლის გამოყენების უფლებაც 50%-ის ერთი წლის შემდეგ, დარჩენილი 50%-ის კი 2 წლის შემდეგ ექნება.

28-ში ქურდიანთან ერთად, თავისი აქციებიც თორნიკე გოგიჩაიშვილმაც, TBC-ის გენერალური დირექტორის მოადგილემაც გაყიდა. მან 3,311 აქცია  საშუალო ფასით, £11.54-ად გაყიდა და £38,209 შემოსავალი მიიღო.

ცნობისთვის, პარასკევის სავაჭრო სესიასე, TBCG-ის აქციები £11.6-ზე დაიხურა, რაც w.w 8.4%-ითაა გაზრდილი. ჯამში, გასულ კვირას, LSE-ზე 315.7 ათასი ცალი TBCG-ის აქცია ივაჭრა.  

კომპანიის აქციების ფასის დღევანდელი რეინჯი კი £11.44-11.7-ია.