თბილისი (GBC) – 1Q21-ში, ბაქო-თბილისი-ჯეიჰანის (BTC) საქმიანობის ფარგლებში მათი საოპერაციო დანახარჯი $41 მლნ-ზე მეტი იყო, კაპიტალური დანახარჯი კი $6 მლნ-ს აღემატებოდა.  

1768კმ სიგრძის მქონე მილსადენმა BTC-მ 2006 წლის ივნისში ფუნქციონირების დაწყებიდან 1Q21-ის ბოლომდე ჯამში 3.62 მლრდ ბარელი ნედლი ნავთობი გაატარა, 4,729 ტანკერი დაიტვირთა და გაიგზავნა მსოფლიო ბაზრებზე.    

საანგარიშო პერიოდში, დაახლოებით 51 მლნ ბარელი (6.7 მლნ ტონაზე მეტი) BTC-ს მიერ ექპორტირებული ნედლი ნავთობი ჯეიჰანის ტერმინალზე, 70 ტანკერში ჩაიტვირთა.

BTC ამჟამად ძირითადად აზერი-ჩირაგ-გუნაშლის (ACG) ნედლ ნავთობს და შაჰ-დენიზის კონდენსატს  ატარებს აზერბაიჯანიდან. დამატებით, BTC-ის საშუალებით, ნედლი ნავთობის და კონდენსატის სხვა მოცულობებიც გადის, მათ შორის თურქმენეთიდან, რუსეთიდან და ყაზახეთიდან.

1Q21-სთვის The BTC Co.-ს აქციონერები არიან:   bp (30.1%); AzBTC (25%); MOL (8.9%); Equinor (8.71%); TPAO (6.53%); Eni (5%); Total (5%), ITOCHU (3.4%); INPEX (2.5%), ExxonMobil (2.5%) და ONGC (BTC) Limited (2.36%).

1Q21-ში მთლიანად ACG-მ საშუალოდ დღეში 484,000 ბარელი ნავთობი აწარმოა. (ჯამში 44 მლნ ბარელი ანუ 6 მლნ ტონა) ჩირაგის (30,000 ბ/დ), ცენტრალური აზერის (112,000 ბ/დ), დასავლეთ აზერის (130,000 ბ/დ), აღმოსავლეთ აზერის (79,000 ბ/დ), გუნეშლის ღრმაწყლის (89,000 ბ/დ) და დასავლეთ ჩირაგის (44,000 ბ/დ) პლატფორმებიდან.

ბიპი ექსპლორეიშენ (კასპიის ზღვა) ლიმიტედი ACG-ის წარმოების განაწილების ხელშეკრულების ოპერატორია მისი კონტრაქტორი მხარეების სახელით.