თბილისი (GBC) – რესტორნებს შაბათ-კვირის რეგულაციების მოხსნა ამ შაბათ-კვირას არ მოუწია. სტუმრების გამასპინძლებას 5-6 ივნისს შეეძლებენ. სესხების დამოუკიდებლად გასტუმრებას კი ჯერ ვერა.

ბანკების ინფორმაციით, პრობლემურ პორტფელში, ძირითადად,  ლოქდაუნში ხანგრძლივი ვადით აღმოჩენილი ჰორეკა სექტორზე გაცემული სესხებია. 1 მაისისთვის პრობლემური კრედიტების წილი 8.2%-მდეა გაზრდილი.

იანვარ-აპრილის სებ-ის სტატისტიკით, სასტუმრო-სარესტორნე ბიზნესის დაკრედიტების მოცულობა 2.2 მლრდ ლარს შეადგენს და „აწარმოე საქართველოს“ მონაცემებით,  სესხის %-ის თანადაფინანსებისთვის, 4 ნაკადიან პროგრამაში (2020-ის დეკემბრიდან)  55 მლნ ლარზე  მეტია გამოყოფილი. მათ შორის  რესტორნებისთვის, დეკემბერ/თებერვლის I, II ნაკადზე  (04/12/2020 -14/12/2020; 08/02/2021-05.03.2021) 9 მლნ ლარზე მეტი (834 სესხი) და 45.7 მლნ ლარი (700 სესხი)  სასტუმროებისთვის, რომლებიც 2020-ის აპრილ-ივლიში და სექტემბრ-ნოემბერში, პროგრამაში,  I,II,III,IV ნაკადად ჩაერთნენ.  სავალუტო სესხების სუბსიდია 4 მლნ აშშ დოლარი და 5 მლნ ევროა. 

იურიდიული პირების დაკრედიტების საერთო მოცულობაში (19.7 მლრდ) 1 მაისისთვის, 2 2 მლნ ლარის პორტფელით, ჰორეკა  11.2 %-ით არის წარმოდგენილი (Q3/2020 – 10.9%).

----დარგი---       01.05.2021              Q3/2020

                          ₾ მლრდ                  ₾ მლრდ

მრეწველობა        4.741                   4.4

ვაჭრობა               3.949                   3.5

მშენებლობა        2.750                    2.3

ჰორეკა                2.196                    1.9

წყარო: სებ-ი