თბილისი (GBC) - საქართველოს ბანკის CEO-ს, არჩილ გაჩეჩილაძის აღმასრულებელ დირექტორად ხელახალ აჩევაზე, აქციონერთა 100%-მა დაუჭირა მხარი.

მომხრე - 39,175,830 აქცია, 25 წინააღმდეგი.

აქციონერთა 100%-მა ასევე ნდობა გამოუცხადა მარიამ მეღვინეთუხუცესის არა-აღმასრულებელ (დამოუკიდებელ) დირექტორად დანიშვნას (წინააღმდეგი 0).

კენჭი ასევე ეყარა ნილ ჯანინის, ალასდაირ (ალ) ბრიჩის, თამაზ გეორგაძის, ჰანა ლოიკანენის, ვერონიკა მაკქეროლის, ჯონათან მუირის და სესილ ქუილენის არა-აღმასრულებელ დირექტორებად  (დამოუკიდებელი დირექტორები) ხელახალ არჩევას.

 მათგან თითქმის ყველას, აქციონერთა 98%-ზე მეტი ენდობა (98.45-98.91%-იან დიაპაზონში), გარდა ლოიკანენისა, რომელსაც აქციონერთა 95.78%-მა დაუჭირა მხარი (37,522,837 - მომხრე, 1,652,448 - წინააღმდეგი).

AGM– ის თარიღისთვის კომპანიას გამოშვებული 49,169,428 ჩვეულებრივი აქცია ჰქონდა, რომელთა აბსოლუტურ უმრავლესობას გააჩნდა ხმის უფლება. არც ერთი აქცია ამ დროისთვის BOGG-ს ხაზინაში არ ჰქონდა განთავსებული. თითოეული აქცია კი 1 ხმას უდრიდა.

Bank of Georgia Group PLC-მ (BOGG) AGM-ის კენჭისყრის შედეგები გაასაჯაროვა, რომელიც 25 მაისს გაიმართა.