თბილისი (GBC) - 2021 წლის 1 ივნისიდან საქართველოს სახმელეთო საზღვრები უცხოელი ვიზიტორებისთვის გაიხსნება“ , - ეკონომიკის მინისტრმა ნათია თურნავამ მთავრობის ადმინისტრაციაში, ბრიფინგზე განაცხადა, რომ საზღვრების გახსნით ტურისტები მოიმატებს და შემოსავლებიც გაიზრდება.

მისი თქმით, საზღვრები კოვიდ-რეგულაციების დაცვით იხსნება ნეგატიური PCR ტესტის დოკუმენტის აუცილებელი წარმოდგენით  “ეს არის ძლიერი მესიჯი რომ საქართველო, რომელიც ჩამოყალიბდა როგორც უსაფრთხო მასპინძელი ქვეყანა, სადაც ტურისტული ინდუსტრია სწრაფად ვაქცინირდება სხვა პრიორიტეტულ ჯგუფთან ერთად, ელის ტურისტებს და ისინი შემოვლენ არა მხოლოდ საჰაერო, არამედ სახმელეთო გზითაც. ეს იქნება ძალიან დადებითი მუხტი".

საზღვრების  ეპიდვითარების კონტროლით გახსნა მყისიერად აისახება ქვეყნის ეკონომიკურ მდგომარეობაზე, მათ შორის, ლარის კურსის დასტაბილურებაზეც. „ახლა ყველა ვხედავთ, როგორ ზემოქმედებს ლარის კურსზე სხვადასხვა ფაქტორი და პირველ რიგში, ტურისტების მიერ შემოტანილი სავალუტო შემოსავლები, ასევე ის დადებითი მოლოდინები, რომელთაც ეს ფაქტი ქმნის,“ - განაცხადა ნათია თურნავამ.