თბილისი (GBC) - მ2 (Georgia Real Estate), ამბერ გრუპი (ქონების მართვის ჯგუფი), თელიანი ველი, გლობალ ბიარ ჯორჯია, სადისტრიბუციო კომპანია GDL,  Greenway Georgia, ამბოლი, Redberry, - ეს ის კომპანიებია, რომლებსაც Georgia Capital-ის (GCAP) პორფელიდან გასვლა ემუქრებათ.

ეს კომპანიები GCAP-ის პორტფელის „სხვა“ კატეგორიაში შედიან, რომელიც ბინების დეველოპმენტს, სტუმართმოყვარეობის და კომერციული უძრავი ქონების, სასმელების, ავტო სერვისისა და ციფრული სერვისების ბიზნესებს აერთიანებს.

ჩამოთვლილი ბიზნესები, პორტფელის მთლიანი ღირებულების 8.1%-ს შეადგენს. მისი ღირებულება ფასდება შიდა ბოლო 12 თვის განმავლობაში საწარმოს ღირებულების EBITDA-სთან შეფარდების  საფუძველზე, უმეტეს შემთხვევაში, გარდა მათი უძრავი ქონებისა და სტუმართმოყვარეობის ბიზნესისა.

კომპანიებს 1Q21-ში 236.2 მლნ ლარის საერთო ღირებულება ჰქონდათ, რაც 9.9%-ითაა გაზრდილი (q.q). ღირებულების ზრდის მთავარი მამოძრავებელი იყო მათი ღვინისა და ავტომომსახურების ბიზნესის ძლიერი საქმიანობა.

GCAP-ის თავმჯდომარისა და გენერალური დირექტორის, ირაკლი გილაურის განცხადებით, ზრდის მიუხედავად, მიმართულება უცვლელია - პორტფელის კომპანიებში საოპერაციო ეფექტურობის შენარჩუნების თვალსაზრისით, ფოკუსირებული იქნებიან ორ მკაფიო სტრატეგიულ პრიორიტეტზე მომდევნო რამდენიმე წლის განმავლობაში: ვაცნობიერებთ ერთი მსხვილი კერძო პორტფელის ინვესტიციის ღირებულებას და ჩვენი ქვე-მასშტაბის ”სხვა” პორტფელის კომპანიების თავიდან მოშორება.

GCAP-ის ცნობით, აღნიშნული ბიზნესები (პორტფელის ღირებულების 8.1%) ასევე მტკიცედ გაჯანსაღდა და 8.7 მლნ ლარის EBITDA აჩვენა 1Q21-ის განმავლობაში, როცა წინა წლის ანალოგიურ პერიოდში 0.8 მლნ ლარი იყო (3.7 მლნ ლარი უარყოფითი EBITDA კი 1Q19-ში).

GCAP-ის 5 ბიზნეს მიმართულების ჯამურმა შემოსავლებმა 75.1 მლნ ლარი შეადგინა, რაც 15.3%-ით გაიზარდა (y.y).

ზრდა ბინების დეველოპმენტის, სასმელების და ავტო მომსახურების ბიზნესის სოლიდური შემოსავლების ზრდა განაპირობებს, რაც 1Q21-ში 21.4% -ით, 9.2% -ით და 43.3% -ით გაიზარდა. აღნიშნული ბიზნესების წილმა მთლიან შემოსავლებში შესაბამისად, ბინების დეველოპმენტი - 47.1%,  სასმელების ბიზნესი - 31.5% და ავტო მომსახურების ბიზნესი - 15.7% შეადგინა.

ხოლო, წმინდა ფულადი სახსრების მოძრაობა საოპერაციო საქმიანობიდან შემცირდა 4.8 მლნ ლარამდე 1Q21-ში, რაც GCAP-ის განმარტებით, ძირითადად გამოწვეულია ნეგატიური წმინდა ფულადი სახსრების მოძრაობის შედეგად, რაც ნაწილობრივ ანაზღაურდა სასმელი ბიზნესის საოპერაციო ფულადი ნაკადის მყარი ზრდით.

GCAP-ის სხვა პორტფოლიოში შედის მცირე კომპანიები შეზღუდული პოტენციალით, 0.5 მლრდ ლარის კაპიტალის ღირებულების მისაღწევად.