თბილისი ( GBC) -საქართველოში 1 ჰექტარზე გაშენებული ზეთისხილის ბაღი 8-9 ათასი დოლარის გარანტირებული შემოსავლის ტოლფასია.მსოფლიო საერთაშორისო ზეთისხილის საბჭოს პრეზიდენტის გიორგი სვანიძის განცხადებით,ერთ ჰექტარზე ირგვება დაახლოებით 550 ნერგი. მეოთხე-მეხუთე წელს  ერთი ხე მასიმუმ  50 კგ-ს, საშუალოდ 15-20 კგ. ნაყოფს იძლევა, რაც დაახლოებით 8- 10 ან 12 ტონაა ჰექტრზე. თუ მოსავალი მინიმუმ  8 ტონა იქნება  და კილოგრამი  7-8 ლარად გაიყიდება  ეს  დაახლოებით  40 ათსი ლარია. გარდა ამისა,  10 ტონა  ზეთისხილიდან დაახლოებით  3 ტონამდე ზეთი მიიღება. 1კგ ზეთი კი ბაზარზე მინიმუმ  3.5 დოლარი ღირს. შესაბამისად სვანიძის გათვლებით, კარგი მოვლის შემთხვევაში 1 ჰექტრიდან  8 -9 ათასი დოლარის შემოსავალი გარანტირებულია.

სოფლის მეურნეობის სამინისტროს ოფიციალიური მონაცემებით,სახელმწიფო პროგრამა „დანერგე მომავალს“ ამჟამად 30 ბენეფიციარი ჰყავს, რომლებსაც დაახლოებით 540 ჰექტარზე აქვთ ზეთისხილი გაშენებული და მთლიანმა ინვესტიციამ 5 მილიონ ლარს მიაღწია, საიდანაც 3 მილიონი სახელმწიფოს წილია.500 ჰექტარს აჭარბებს ზეთისხილის ბაღები, რომლებიც ფერმერებმა სახელმწიფოს დახმარების გარეშე გააშენეს. სამინისტროს გათვლებით, 2025 წლისათვის საქართველო ადგილობრივ ბაზრებს დაახლოებით, 9-10 ათას ტონა  პროდუქტს მიაწვდის.ზეთისხილის პირველი ბაღები საქართველოში 2017 წელს გაშენდა.სვანიძის თქმით, დღეის მდგომარეობით  ქართული ბაზრის დაახლოებით 25 % უკვე ადგილობრივ წარმოებას უჭირავს. ზეთისხილის მსოფლიო ბაზრის 51% ესპანეთი აკონტროლებს.