თბილისი (GBC) - ტურიზმის ეროვნული ადმინისტრაციის ინფორმაციით, 2021 წლის აპრილში საერთაშორისო ვიზიტები (ტურისტები და ერთდღიანი ვიზიტორები) წლიურად, მნიშვნელოვნად, 140.4%-ით გაიზარდა და 82.5 ათასი ვიზიტორი შეადგინა. ეს ზრდა იხსნება ტურისტების რაოდენობის ზრდით (+182.2% წ/წ) გასული წლის დაბალი ბაზიდან. ჯამურად, 2021 წლის პირველ 4 თვეში ქვეყანაში 212.7 ათასი (-81.6% წ/წ) საერთაშორისო ვიზიტორი შემოვიდა, საიდანაც ტურისტულმა ვიზიტებმა 192.4 ათასი (-75.7% წ/წ) შეადგინა. ამავე პერიოდში, Galt&Taggart-ის  შეფასებით, ტურიზმიდან მიღებული შემოსავლები 98.3 მლნ აშშ დოლარს გაუტოლდა (-77.5% წ/წ).

ტურიზმის ეროვნული ადმინისტრაციის მონაცემებით კი პანდემიამდე ანუ 2019 წლის პირველ კვარტალში (წლის 3 თვეში) ქვეყანას ტურიზმიდან 578 მილიონი დოლარი ჰქონდა მიღებული, რაც წლევანდელი წლის 4 თვის მაჩვენებელს თითქმის ექვსჯერ აღემატება.