თბილისი (GBC) - საქართველო მიმზიდველ საინვესტიციო ლოკაციების რეიტინგში მე-19 პოზიციაზე მოხვდა.

Global Services Location Index (GSLI) საერთაშორისო საკონსულტაციო ორგანიზაცია Kearney-იმ გამოაქვეყნა.

რეიტინგი ბიზნეს და ტექნოლოგიური სერვისების სექტორში მიმზიდველ საინვესტიციო ლოკაციებს ავლენს, რეიტინგში კი ქვეყანა სააგენტოს „აწარმოე საქართველოში“ ინიცირებით და ინოვაციებისა და ტექნოლოგიების სააგენტოს ჩართულობით პირველად მოხვდა.

Kearney-მ სულ 60 ქვეყანა 47 სხვადასხვა კრიტერიუმით შეაფასა, მათ შორის ფინანსურ მიმზიდველობა ბიზნესის ოპერირების ხარჯებთან მიმართებაში, კვალიფიციური სამუშაო ძალის ხელმისაწვდომობა, ბიზნეს-გარემო და ციფრული რეზონანსი.

„ევროპისა და აზიის გზაგასაყარზე მდებარე საქართველოს აქვს მოწინავე პოზიციები ფინანსური მიმზიდველობის, სამუშაო ძალის უნარების და ბიზნეს-გარემოს კუთხით“ - ასე აფასებს ანგარიშში Kearney საქართველოს დებიუტს.

სააგენტო "აწარმოე საქართველოში" იმედოვნებენ, რომ Global Services Location Index რეიტინგში საქართველოს პოზიციონირება კიდევ უფრო მეტად შეუწყობს ხელს საერთაშორისო ინვესტორების დაინტერესებას ცოდნაზე დაფუძნებული ინდუსტრიების მიმართულებით.