თბილისი (GBC) - Wickes Group –ის  (დიდი ბრიტანეთი) Travis Perkins-დან (დიდი ბრიტანეთი) გამიჯვნის და ფიქსირებული ინდექსების ხელახალი რანჟირების შემდეგ, სხვა ინდექსები დაზარალდა და ცვლილებამ მათ შორის გავლენა TBC Bank Group-ის ინდექსზეც იქონია.

კერძოდ, TBC PLC ამოღებული იქნება FTSE 250 ინდექსიდან და დაემატება FTSE SmallCap ინდექსს (SmallCap Index გამოითვლება რეალურ დროში და ქვეყნდება ყოველ წუთში).Wickes Group კი დარჩება FTSE 250 Index-ში. ცვლილებები 4 მაისიდან შევა ძალაში.

TBC PLC-მ ლონდონის საფონდო ბირჟის FTSE 250-ის ინდექსში შესვლაზე 2017 წლის ივნისში განაცხადა, რაც  ლონდონში დალისტულ TOP -350-ში მოხვედრას ნიშნავს, საბაზრო კაპიტალიზაციით უმსხვილეს კომპანიებს შორის.

FTSE 250 ლონდონის საფონდო ბირჟის მე-2 უმსხვილესი ინდექსია, რომელიც აერთიანებს სიდიდით 101-დან 350-მდე კომპანიას.

FTSE SmallCap ინდექსი კი მცირე საბაზრო კაპიტალიზაციის კომპანიების ინდექსია, რომელიც მოიცავს 351-დან და 619-ე მსხვილ კომპანიებს ლონდონის საფონდო ბირჟაზე.

TBC -ის აქციები ლონდონის საფონდო ბირჟაზე 2014 წლიდან ივაჭრება, პრემიუმ ლისტინგში 2016 წელს გადაინაცვლა