თბილისი (GBC) - მობილური კომპანიების შემოსავლები კლებას განაგრძობს. თებერვალში წინა წლის თებერვალთან შედარებით 2.5%-ით ნაკლები შემოსავალი მიიღეს - 27.8 მლნ ლარი, ნაცვლად გასული წლის 38.7 მლნ ლარისა. მიზეზი კომპანიებში შემცირებული აბონენტებია. თებერვალში აბონენტების რაოდენობა წლიურად 2.1%-ით 4.8 მლნ-მდე შემცირდა.

პროცენტულად ყველაზე მეტი აბონენტი სილქნეტმა დაკარგა - წლიურად 4.6%. მიუხედავად კლებისა სილქნეტი აბონენტების რაოდენობით ბაზარზე მეორე ადგილს იკავებს და 1.65 მლნ აბონენტს ემსახურება. პირველ ადგილზე ტრადიციულად მაგთია რომელსაც 1.98 მლნ აბონენტი ჰყავს, თუმცა მაგთის წლიურად 0.9%-ით შეუმცირდა აბონენტების რაოდენობა. ბაზარზე მესამე ადგილზე ვიონი, იმავე ბილაინია. კომპანიას აბონენტების რაოდენობა წლიურად 0.7%-ით - 1.25 მლნ-მდე შეუმცირდა.

კომპანიების შემოსავლების კლება სამივე ოპერატორს აღენიშნება და ყველაზე მასშტაბური სილქნეტს (შემოსავლები თებერვალში წლიურად 6.4%-ით შეუმცირდა, ₾13.3 მლნ -მდე) 0.9%-ით შეუმცირდა მაგთის, ერთ თვეში 17.6 მლნ ლარი შეადგინა, ბილაინს (ვიონი), 2.9%-ით 6.9 მლნ-მდე.

აბონენტების მიხედვით ბაზრის წილით ლიდერობს მაგთი, რომელსაც 2020 წელთან შედარებით 0.5%-იანი მატება აქვს, აღსანიშნავია ვიონის წილი, რომელსაც წინა წელთან შედარებით 0.4%-იანი ზრდა უფიქსირდება.

მაგთიკომი ლიდერობს ბაზარზე შემოსავლების წილითაც. ვიონს წინა წელთან შედარებით 0.1%-იანი კლება, ხოლო მაგთის 1.6%- იანი ზრდა უფიქსირდება.

2021 წლის თებერვლის საშუალო ARPU (შემოსავალი თითო აბონენტისგან) 2020 წლის თებერვალთან შედარებით შემცირდა 0.4%-ით. ჯამური საშუალო ARPU შემცირდა და 7.7 ლარი შედგინა.