თბილისი (GBG) - „საქართველოს პორტებს და, ზოგადად, საზღვაო სფეროს უდიდესი მნიშვნელობა აქვს CAREC-ის თანამშრომლობაში შემავალი ქვეყნებისთვის," – TRENT.AZ-ის ცნობით, ამის შესახებ CAREC-ის (Central Asia Regional Economic Cooperation) კვლევაშია აღნიშნული.

ამავდროულდ კვლევის ავტორები საქართველოს პორტებსა და საზღვაო სფეროში სახელმწიფო რეგულაციების არ არსებობაზე მიანიშნებენ და ამას მნიშვნელოვან პრობლემას უწოდებენ.

„CAREC-ის (Central Asia Regional Economic Cooperation) წევრი ქვეყნებიდან (აზერბაიჯანი, ავღანეთი, თურქმენეთი, მონღოლეთი, პაკისტანი, საქართველო, ტაჯიკეთი, უზბეკეთი, ყაზახეთი, ყირგიზეთი, და ჩინეთი) მხოლოდ სამ ქვეყანას - საქართველო, პაკისტანი და ჩინეთი - აქვს საზღვაო პორტები. კიდევ სამ ქვეყანას - აზერბაიჯანი, ყაზახეთი და თურქმენეთი - აქვს პორტები კასპიის ზღვაში, რომელსაც არ აქვს გასასვლელი სხვა ზღვაში. ლოგისტიკის ექსპერტების დასკვნით, ვოლგა-დონის არხი მხედველობაში არ მიიღება, რადგან მისი გატარების უნარი შეზღუდულია. CAREC-ის წევრი ქვეყნების უმეტესობა ექსპორტის და იმპორტის სატრანსპორტო მომსახურების დროს იმ ქვეყნების საზღვაო პორტებს ეყრდნობა, რომლებიც არ შედიან CAREC-ის ჯგუფში. ეს ასპექტი CAREC-ის იმ ქვეყნებს, რომლებსაც არ აქვთ გასასვლელი ზღვაზე, ძლიერ დამოკიდებულს ხდის მესამე ქვეყნების, მნიშვნელოვნად რუსეთის, თურქეთის და ირანის, ინფრასტრუქტურის და სატრანსპორტო ქსელის გატარების უნარზე“-აღნიშნულია კვლევაში.

CAREC-ის ქვეყნების პორტებისა და ლოგისტიკური სისტემის მიზნობრივი კვლევა 2019 წელს დაიწყო და 2021 წლის მარტში გამოაქვეყნა.