თბილისი (GBC) - კომპანია „ელგრინ ჰოლდინგს ონკორპორეითედ“-ის თანადამფუძნებლის ზურაბ ნოღაიდელის განცხადებით, საქართველოში ენერგოსისტემის ეფექტურობას რამდენიმე ჰიდროელექტროსადგური უზრუნველყოფს.

მისი თქმით, იმისთვის, რომ მომავალში ეკონომიკისა და ელექტროენერგიის მოხმარების ზრდის ფონზე, ქვეყნის ენერგოსისტემა ფასების თვალსაზრისითაც დარჩეს ეფექტური, გვჭირდება მსხვილი ჰიდროელექტროსადგურები.

ცნობისთვის, საქართველოში რამდენიმე მსხვილი ჰიდროელექტროსადგურის მშენებლობაა დაგეგმილი, მათგან აღსანიშნავია მდ. რიონზე 433 მგვტ-ის სიმძლავრის ნამახვანის ჰესების კასკადი და მდ. ნენსკრაზე 280 მგვტ-ის სიმძლავრის ნენსკრა ჰესი. ამ ჰესების გამომუშავებით ქვეყნის ელექტროენერგიის მოხმარების 22%-ის დაკმაყოფილებაა შესალებელი.

ნამახვანჰესის საინვესტიციო ღირებულება 800 მლნ აშშ დოლარამდეა, ხოლო ნენსკრაჰესის 1 მლრდ აშშ დოლარი. აღსანიშნავია, რომ სხვადასხვა მიზეზების გამო ორივე ჰესის მშენებლობა ფერხდება.