თბილისი (GBC) - საბანკო სესხების პორტფელის წლიური ზრდა 8.3%-მდე შენელდა 2021 წლის თებერვალში. G&T-ის მონაცემებით, უცხოური ვალუტის სესხები წლიურად 0.2%-ით შემცირდა, ლარის სესხები კი წლიურად 18.5%-ით გაიზარდა.“ 2021 წელს საბანკო სესხების ზრდა 5-7%-ის ფარგლებშია მოსალოდნელი (გაცვლითი კურსის ეფექტის გამორიცხვით).“ - ელიან საინვესტიციო ბანკში.

ლარის გაუფასურების ფონზე მოსალოდნელია დოლარიზაციის მაჩვენებლის ზრდა. სესხების დოლარიზაცია თებერვალში 55.2% იყო, ხოლო დეპოზიტების 61.6%-ზე.

„მონეტარული პოლიტიკის მოსალოდნელი გამკაცრების ფონზე ასევე მოსალოდნელია ლარის საპროცენტო განაკვეთების ზრდა“, - განმარტავენ G&T-ში.  იპოთეკურ სესხებზე თებერვალში პროცენტი 10.9% იყო, დოლარში 7%, ხოლო ევროში 4.9%.

რაც შეეხება ინფლაციას, საინვესტიციო ბანკში ელიან რომ 2021 წლის დეკემბერში წლიური ინფლაცია 8.6%-ის, ხოლო საშუალო წლიური ინფლაცია 6.9%-ის ფარგლებშია მოსალოდნელი 2021 წელს.