თბილისი ( GBC) -2021 წლის იანვარ-მარტში სასაქონლო ჯგუფებიდან საექსპორტო ათეულში პირველი ადგილი სპილენძის მადნებმა და კონცენტრატებმა დაიკავა $ 158.8 მლნ-ით, რაც მთელი ექსპორტის 19.4 %-ს შეადგენს. მეორე ადგილს იკავებს მსუბუქი ავტომობილები $ 86.6 მლნ (მთლიანი ექსპორტის 10.5 %), ხოლო მესამე ადგილზეა ფეროშენადნობები $ 83.7 მლნ. (10.2%) 

საქსტატის მონაცემებით,უმსხვილესი საიმპორტო სასაქონლო ჯგუფი 2021 წლის იანვარ-მარტში წარმოდგენილი იყო მსუბუქი ავტომობილების სახით, რომლის იმპორტმა $ 168.5 მლნ და მთელი იმპორტის 8.6 % შეადგინა. მეორე ადგილს იკავებდა სპილენძის მადნები და კონცენტრატები $ 145.8 მლნ  (იმპორტის 7.5 %), ხოლო მესამე ადგილზეა ნავთობი და ნავთობპროდუქტები $ 141.9 მლნ (იმპორტის 7.3 %).