თბილისი (GBC) - საქართველოს რეგიონების გაზიფიცირების გეგმით, 2021 წლის ბოლოს გაზიფიცირებული იქნება 1 377 593 აბონენტი და გაზიფიცირების დონე 90%-ს გადააჭარბებს.

2021 წლის ბოლოს, საქართველოში რეგიონების მიხედვით გაზიფიცირების დონე შემდეგი იქნება: შიდა ქართლი - 97,5%, ქვემო ქართლი - 80%, სამცხე-ჯავახეთი - 58%, რაჭა-ლეჩხუმი და ქვემო სვანეთი - 35%, მცხეთა-მთიანეთი - 83%, კახეთი - 87%, იმერეთი - 79%, გურია - 98%, აჭარა - 82%, სამეგრელო-ზემო სვანეთი - 84%.

აღსანიშნავია, რომ გეგმის დასრულების შემდეგ საქართველოში გაზიფიცირების დონე ერთ-ერთი ყველაზე მაღალი იქნება მსგავსი მასშტაბისა და რელიეფის მქონე ევროპის ქვეყნებს შორის.

ცნობისთვის, მთავრობის განკარგულების საფუძველზე საქართველოს გაზის ტრანსპორტირების კომპანია აქტიურად ახორციელებს გაზიფიცირების სამუშაოებს მთელი ქვეყნის მასშტაბით.