თბილისი (GBC) - 2021 წლის მარტში, საპენსიო სააგენტოს ინიციატივით ჩატარდა დისტანციური კვლევა, რომლის მიზანიც იყო საპენსიო სქემაში ჩართული მონაწილეების საპენსიო სააგენტოს მომსახურების ხარისხის დონის შეფასება.

კვლევის სამიზნე აუდიტორიას წარმოადგენდნენ ბუღალტრები, რომლებიც უშუალოდ არიან ჩართულნი საპენსიო სქემის მონაწილეთა დანაზოგების ადმინისტრირების პროცესში. გამოიკითხა ქვეყნის მასშტაბით კერძო და საჯარო ორგანიზაციების 1200-მდე ბუღალტერი.

კვლევის შედეგად გამოვლინდა სააგენტოსთვის მრავალი მნიშვნელოვანი საკითხი, გამოიკვეთა, შეთავაზებული მომსახურების ხელმისაწვდომობის, მოქნილობის, შიდა ოპერირების მექანიზმების დახვეწის/განვითარების,დეკლარირების და სამუშაო პროცესების გამარტივების  და ახალი სერვისების დანერგვის შესაძლებლობები.

გამომდინარე იქიდან, რომ საპენსიო სააგენტოსთვის მნიშვნელოვანია სქემის მონაწილეების მოსაზრებების და შეფასებების მოსმენა და მათი გათვალისწინება, კვლევის შედეგებიდან გამომდინარე, სააგენტოს ინიციატივით დაიგეგმა ონლაინ შეხვედრა დაინტერესებულ მხარეებთან.