თბილისი (GBC) -  თბილისის სატრანსპორტო კომპანია M2 კატეგორიის 300 მიკროავტობუსებზე ტენდერს აცხადებს. წინადადებების მიღება 29 აპრილს იწყება და 4 მაისს სრულდება. 

შესყიდვის სავარაუდო ღირებულება 35.9 მლნ ლარია. 

М2 კატეგორიის მიკროავტობუსების მიწოდება უნდა განხორციელდეს ეტაპობრივად, ხელშეკრულების გაფორმების შემდგომ, შესაბამისი მოთხოვნის წარდგენიდან 180 კალენდარული დღის განმავლობაში

პრეტენდენტის მიერ შეთავაზებული შესყიდვის ობიექტის მწარმოებელ კომპანიას უნდა გააჩნდეს არანაკლებ 30 წლიანი გამოცდილება М2 კატეგორიის მიკროავტობუსების წარმოებაში და არანაკლებ 30 მლნ-იანი ბრუნვა უკანასკნელი სამი წლის განმავლობაში. 

ტენდერის პირობის შესაბამისად, გამარჯვებულმა კომპანიამ, უნდა განაცხადოს წერილობითი თანხმობა, დამატებით 400  ერთეულ M2 კატეგორიის მიკროავტობუსზე, იმავე ტექნიკური პირობებით, ერთეულის ფასით და ანგარიშსწორების პირობებით, რომ გააფორმებს ხელშეკრულებას და შესყიდვის ობიექტს მიაწვდის M2 კატეგორიის ავტოსატრანსპორტო საშუალებებით მგზავრთა რეგულარული გადაყვანის ნებართვის მქონე შესაბამის კომპანიებს, შპს „თბილისის სატრანსპორტო კომპანიასთან“ ხელშეკრულების გაფორმებიდან 180 კალენდარული დღის ვადაში. 

მერიის განკარგულების შესრულებაზე კონტროლი ვიცე-მერს, ირაკლი ხმალაძეს დაევალა. 

M2 კატეგორია ევროპული კლასიფიკატორია. ასეთი ავტოტრანსპორტი გამოიყენება მგზავრების გადასაზიდად, რომელთა მაქსიმალური მასა არ აღემატება 5 ტონას.