თბილისი (GBC) – კრედიტინფო მოქალაქეებს ვერ პასუხობს, მათ ოფისში მომსახურებას როდიდან შეძლებს და როდიდან ჩართავს 2 თვით გათიშულ, აპლიკაციას. რომ სასესხო ამონაწერი მარტივად ნახოს უფასოდ, რომლის უფლება 30/11/2020-დან წელიწადში 3-ჯერ მიეცა (მანამდე 1-ხცელ შეეძლო). ინფორმაცია ტელეფონზე დაკავშირებითაც გაიცემა, პიროვნების იდენტიფიკაციის დროებითი პროცედურით, თუმცა არასრული.  "გამოვთქვამთ იმედს, რომ მალე ჩვეულ რეჟიმში შევძლებთ მომხმარებლებისთვის მომსახურების გაწევას". მოქალაქის 3-გზის უფასოდ ინფორმირება კრედიტინფოს სებ-მა დააკისრა. ~

ბანკის კლიენტი, უფასო სერვისით, თავის სარეიტინგო ქულებს  ვერ შეიტყობს. ამისთვის მინიმალური ₾5 პაკეტი უნდა ჰქონდეს გააქტიურებული.  კრედიტინფოს ცნობით, ამა თუ იმ ბანკის თუ მისოს მომხმარებელს, უფასო ინფორმაციით სარგებლობის შესაძლებლობას სებ-ის რეგულაციამდეც აძლევდა, წალიწადში  ერთხელ, ოფისში მისვლით, თუმცა ქულების რაოდენობა არც მაშინ იყო ხელმისაწვდომი. კორპორაციული კლიენტებისთვის (ბანკი, დეველოპერი, მისო, სგს...) ₾30 , ₾50 პაკეტები მოქმედებს.

სებ-ი ყველა სუბიექტს Creditinfo -სთან პარტნიორობას ავალდებულებს. კრედიტინფოსთან ბანკის და მისოს პასუხისმგებლიანი ურთიერთობა სანქციებით არის გამყარებული. საკრედიტო  ბიუროსთვის ინფორმაციის მიწოდების, აღრიცხვის და ხელმისაწვდომობის წესის“ ყოველ დარღვევაზე მისოსთვის 1 000  ლარია ჯარიმა.  ანალოგიური განაკვეთი განესაზღვრა საკრედიტო კავშირსაც დარღვევის თითოეულ ფაქტზე - 1 000 ლარი.

კომერციული ბანკი კი საკრედიტო საინფორმაციო ბიუროს ინფორმირების წესების დარღვებისთვის ჯერ1 000 ლარით დაჯარიმდება. სებ-ის წერილობითი გაფრთხილების გაუთვალისწინიებლობის შემთხვევაში 10 000 ლარით. სებ-ის განმეორებითი ან მრავალჯერადი შეუსრულებლობისთვის კი  ₾20 000 -ით.

ანგარიშგების, სხვა საფინანსო/ სტატისტიკური ინფორმაციის დადგენილი ფორმით (მათ შორის, არაზუსტი ინფორმაციის წარდგენა) და ვადით წარუდგენლობის შემთხვევაში  დარღვევის თითოეულ ფაქტზე  ჯარიმა  5 000 ლარია.

ამ დროისთვის Creditinfo -ს ბაზაში https://ge.creditinfo.com/ka-products  ₾ 28 მლრდ -ის კონტრაქტებზეა ინფორმაცია ატვირთული, მათ  შორის ბანკის 1.6 მლნ მსესხებლის, მისოს და სგს 548 000 და სხვა კომპანიების (სამშენებლო სადისტრიბუციო, სალიზინგო) 21 300 კლიენტის ხელშეკრულება.