თბილისი (GBC) - ₾არი გაუფასურებას განაგრძობს, სებ-ი ინტერვენციას კიდევ არ უშვებს. ოთხშაბათის ვაჭრობაზე, აშშ დოლარი $1/₾3.4112-დან, $1/₾3.4464-მდე გამყარდა. ეროვნული ვალუტა ევროსთანაც გაუფასურდა და ბრიტანულ გირვანქა სტერლინგთან, შესაბამისად 4.0426  და 4.7467-მდე.

სებ-ს 22/03-ის $40 მლნ-ის შემდეგ ინტერვენცია აღარ განუხორციელებია.წელს სავალუტო აუქციონი 4 -ჯერ გამართა (6/01; 27/01; 18/02; 22.03). იანვარში $80 მილიონი $1/₾3.2964 და $1/₾3.2998 კურსით გაყიდა. მარტში კი $1/₾3.33 -ად.

1 აპრილის კურსი (L/d)

 წყარო:ეროვნული ბანკი

როგორც იცით თებერვლიდან  სებ-ის ოფიციალური გაცვლითი კურსი Bmatch-ზე გარიგებების მიხედვით დგება. წელს იანვარ-მარტში, პლატფორმაზე, $142 მლნ-ის გარიგებებია დადებული და აქედან მხოლოდ 11 მლნ-მდეა არასაფინანსო კომპანიების (სულ, 03.2020-03.2021 პერიოდში $608 მლნ-ის 4 621 გარიგება).

სებ-ი კურსის რყევის შეფასებისგან ჯერ თავს იკავებს და არც ინტერვენციას აანონსებს, ბაზრის დასაშოშმინებლად. ბანკირებიც ზოგადი დამაიმედებელი კომენტარებით შემოიფარგლებიან. ბიზნესთან პრემიერის შეხვედრის შემდეგ საქართველოს ბანკის CEO-მ  განაცხადა, რომ მოლოდინებზე საუბარი ძალიან უჭირს, "წლის დასაწყისში ლარის გამყარების ყველა წინაპირობა არსებობდა. დღეს რასაც ვხედავთ, ფაქტია და დანარჩენს დრო გვაჩვენებს“. ინტერვენციები კი როგორც არჩილ გაჩეჩილაძემ თქვა სებ-ის გადასაწყვეტია და ის  განსაზღვრავს.