თბილისი (GBC) - პრემიერთან შეხვედრა, TBC-ის გენერალური დირექტორისთვის საინტერესო იყო. ვახტანგ ბუცხრიკიძემ, ღარიბაშვილთან შეხვედრის შემდეგ განაცხადა, რომ განათლების სფეროზე ისაუბრეს, არ დაუკონკრეტებია დაკრედიტების მიმართულებას შეეხო თუ ინვესტირების, სტუდენტური სესხებზე გარკვეულ სუბსიდიას და ბანკის შეღავათს, თუ  კერძო სკოლებისთვის საკრედიტო ხაზების გახსნას, რომ აღსაზრდელმა წლის დახურვა მაინც შეძლოს, თუ მას უმუშევრად დარჩენილი მშობელი სწავლის საფასურს ვეღარ გადაუხდის.

ბუცხრიკიძის ინფორმაციით, ისაუბრეს ბიზნესისთვის აუცილებელ ცვლილებებზეც. „ვისაუბრეთ მოკლევადიან საკითხებზე, რომელიც მოითხოვს გადაწყვეტას, მაგრამ რაც უფრო მნიშვნელოვანია, არის  საკითხები, რომლებიც ქვეყნის ეკონომიკის განვითარებისთვის გრძელვადიან გადაწყვეტილებებს მოითხოვს, მაგ: ვისაუბრეთ განათლების სფეროზე, იმ ბიუროკრატიაზე, რომელიც საელმწიფო სექტორში არსებობს და რა არის ბიზნესისთვის აუცილებელი ცვლილებები, რაც აუცილებლად ჩასატარებელია", -  ბიზნესასოციაციები პრემიერთან მრავალჯერად შეხვედრებზე შეთანხმდნენ.

ვახტანგ ბუცხრიკიძემ პროგნოზირებადობის შესაძლებლობებზე ისაუბრა. მიაჩნია, რომ მოსალოდნელ ცვლილებებზე, მათ შორის შეზღუდვებზე, სექტორი წინასწარ უნდა იყოს საქმის კურსში. მან არ გამორიცხა მე-3 ლოქდაუნის თეორიული შანსი. თუმცა უნდა იყოს მხოლოდ იმ შემთხვევაში, თუ რისკები მნიშვნელოვნად გაიზრდება.