თბილისი (GBC) - ბანკები დეპოზიტების დაზღვევის ხარჯის ზრდაზე ჩივიან და იმედოვნებენ, რომ პანდემიური კრიზისი 2022 წლისთვის ოდნავ მიილევა, იურიდიული პირების დასაზღვევი  ხარჯი ზედმეტ ტვირთად რომ არ დააწვეთ. 

სებ-ის რეგულაციით, მე-3 თვეა, დეპოზიტების დაზღვევის ფონდში შენატანი, საბანკო სექტორს განსხვავებული სატარიფო სქემით უწევს . საწევრო რისკის პროფილის მიხედვით იწონება. 

ივლისიდან კორექტირებული ტარიფით, როცა დასაზღვევი ანაბრის მოცულობითი ზღვარიც გაიზარდა (5 000 -დან, 15 000 -მდე), ბანკის ყოველთვიური  გადასახადი, ლარში 0.067%-დან, 0.03%-მდე შემცირდა.

თუმცა რისკის პროფილის შეწონვიდან (01.01. 2021 -დან) ბანკების  უმეტესობას გადახდა, 0,03%-ზე უფრო მაღალი განაკვეთით უწევს. უცხოურ ვალუტაში კი ფიქსირებულ 0.1% -ზე ნაკლების (1 ივლისიდან სავალუტოზე მანამდე მოქმედი განაკვეთი შენარჩუნდა).

მარტის მდგომაროებით, 3 ჩარიცხვით, ფონდში, საბანკო სექტორის შენატანი 7.4 მილიარდ ლარამდეა. ირიცხება საანგარიშო თვის მომდევნო თვის 15 -მდე. შესაბამისად ამ დროისთვის დეკემბერი/თებერვალი/იანვრის შეტანილი აქვს იანვარ/თებერვალ/მარტში.

2020-ის ანალოგიურ  პერიოდში ფონდში 4.7 მლნ ლარამდე იყო აკუმულირებული, თუმცა გასათვალისწინებელია, რომ 2020-ის იანვარ-მარტში ₾ 5 000 ზღვარი მოქმედებდა. 

საპენსიო სააგენტოში აცხადებენ, რომ სებ-ის  რეგულაციით შეცვლილი სატარიფო სქემით, რაც 15 ბანკიდან, თითეულისთვის განსხვავებულ გადასახდელს გულისხმობს (რისკის პროფილის შეწონვით), ბანკების ჯამური შენატანი გაზრდილი არ არის. იანვარში ჩარიცხულის - 2. 5 მლნ  (დეკემბრის გადასახადი) მხოლოდ 24%-ია ლარის დეპოზიტის დაზღვევის საფასური. თებერვალში (იანვრის), შეტანილი 2.452 მლნ-ის 35% და მარტის 2.422 000 ლარის, 36.6%  (თებერვლის გადსახადი).

საპარლამენტო კომიტეტში, I მოსმენით ახლადგანხილული  საკანონმდებლო ცვლილებებით, იურიდიული პირების დეპოზიტების დაზღვევის თარიღი 01.01.2021-დან, 01.01.2020-მდე გადავადდა, რაც ნაწილობრივ  პანდემიას უკავშირდება. ასევე გარკვეული დრო დასჭირდა ბანკებთან შეთანხმებას და 2022 -მდე ინტერვალიც სექტორთან ანგარიშგაწევით არის დაგრძელებული. 

დეპოზიტების დაზღვევა 01.01.2018-დან ამოქმედდა.  2021-ის მარტისთვის კი ₾4 მლრდ-მდე  ლარის და ₾2.1 მლრდ-ის სავალუტო დეპოზიტებია უკვე დაზღვეული. სულ საბანკო სექტორში 36 მლრდ ლარის ანაბრებია, მათ შორის 19 მლრდ-მდე, ფიზიკური პირების.