თბილისი ( GBC ) -  „კავკასიის ავტოიმპორტმა“ აზარბაიჯანში წელს (იანვარი/თებერვალი/მარტი) 412/454/427 ერთეული ავტომობილი გაიყვანა. იანვარ-მარტის  სტატისტიკით, კომპანიის საბაზრო წილი 60%-მდე გაზრდილია. 2020 წელს კი მეორადი ავტომობილების ექსპორტი 10 %-ით გაზარდა.

კომპანიის წარმომადგენლის დავით გულაშვილის ინფორმაციით, 2020 წელს ექსპორტი შემცირდა სომხეთში და ყირგიზეთში, თუმცა  შენარჩუნდა უკრაინაში. მისი თქმით, კლება სომხეთსა და ყირგიზეთში  საბაჟო ტარიფის ზრდას უკავშირდება. ასევე „კოვიდ პანდემიის გამო,  ავტომობილებზე  მოთხოვნა შემცირდა. შესაბამისად, შემცირდა ფასიც, თუმცა ამ ეტაპზე მეტ-ნაკლებად სტაბილურია“.

Galt & Taggart-ის (საინვესტიციო ბანკი) ბოლო კვლევით,ავტომობილების ექსპორტი საქართველოდან წლიურად 45%-ით არის შემცირებული. განსაკუთრებით კლებაა სომხეთის მიმართულებით, რაც ჯერ კიდევ  2020 -ის შემოდგომაზე გაცხადდა. 09/2019 -ის ექსპორტი 2019 წელს იყო  $31 მლნ, 09/2020 -ში კი  0.  რაც სომხეთის ევრაზიულ კავშირის წევრობას უკავშირდება, სადაც კავშირის არაწევრი ქვეყნებიდან ავტომობილების იმპორტზე ძალიან მაღალი გადასახადია. სომხეთი კავშირში შესვლიდან 1-2 წელი, გარკვეული დათქმით, სატარიფო სქემის მიღმა იყო. შესაბამისად, დიდი ოდენობით მარაგის შექმნით  იყო დაინტერესებული, შემდგომი მეტი მოგების მიზნით.