თბილისი ( GBC ) -განათლების, მეცნიერების, კულტურისა და სპორტის სამინისტროს გაყოფის საკანონმდებლო პაკეტს პარლამენტმა 79 ხმით მხარი დაუჭირა.

 სამინისტროს 2021 წლის 1.8-მილიარდიანი ბიუჯეტი გაიყოფა ორ მიმართულებად. კულტურისა და სპორტის სამინისტროს ბიუჯეტი 300 მილიონი ლარი იქნება.შესაბამისად, განათლებისა და მეცნიერების სამინისტროს  ბიუჯეტი 1.5 მილიარდამდე შეუმცირდება.

კულტურისა და სპორტის სამინისტროში გადაინაცვლებს შემდეგი პროგრამები:

მასობრივი და მაღალი მიღწევების სპორტის განვითარება და პოპულარიზაცია - 122.4 მლნ ლარი;

კულტურის განვითარების ხელშეწყობა - 69.5 მლნ ლარი;

სპორტში ინვესტიციებისა და ინფრასტრუქტურული პროექტების მხარდაჭერა - 46.9 მლნ ლარი;

კულტურული მემკვიდრეობის დაცვა და სამუზეუმო სისტემის სრულყოფა - 30 მლნ ლარი;

კულტურისა და სპორტის მოღვაწეთა სოციალური დაცვისა და ხელშეწყობის ღონისძიებები - 17.1 მლნ ლარი;

კულტურაში ინვესტიციებისა და ინფრასტრუქტურული პროექტების მხარდაჭერა - 8 მლნ ლარი;

სახელოვნებო და სასპორტო დაწესებულებების ხელშეწყობა - 6.8 მლნ ლარი;

კულტურისა და სპორტის სამინისტროში უკონკურსოდ 329 თანამშრომელი გადავა. 

სპორტის ავტონომია სპორტსმენმა კანონმდებელმა შოთა ხაბარელმა წინა პრემიერს გიორგი გახარიას, პარლამენტში  24 დეკემბერს შესთავაზა, სადაც პრემიერი ბოლო დაპირებების ნუსხით წარსდგა.