თბილისი (GBC) - ეკონომიკური ვარდნის ტემპი დაჩქარდა და 2021 წლის იანვარში წინა წლის შესაბამის პერიოდთან შედარებით, ეკონომიკა 11.5%-ით შემცირდა.

საქსტატის მონაცემებით, 2021 წლის იანვარში, წინა წლის შესაბამის პერიოდთან შედარებით კლება შეინიშნებოდა შემდეგ საქმიანობებში: მშენებლობა, ტრანსპორტი და დასაწყობება, დამამუშავებელი მრეწველობა, განთავსების საშუალებით უზრუნველყოფა, ხელოვნება, გართობა და დასვენება, უძრავ ქონებასთან დაკავშირებული საქმიანობები, ელექტროენერგიის, აირის, ორთქლის და კონდიცირებული ჰაერის მიწოდება, საბითუმო და საცალო ვაჭრობა; ავტომობილების და მოტოციკლების რემონტი.

2020 წელს ეკონომიკა პროგნოზირებულზე მეტად, 6.1%-ით შემცირდა. ბოლო 3 თვე ეკონომიკის ვარდნის სტატისტიკა ასეთი იყო: დეკემბერში - 7,9% იყო, ნოემბერში - 7.7%, ოქტომბერში 3.9%.

წელს საქართველოში 4,3%-იანი ეკონომიკური ზრდაა დაგეგმილი.