თბილისი (GBC) - პირველი კრიპტოვალუტა უკანასკნელი 24 საათის განმავლობაში გამყარების მიმართულებით მიდის და გუშინდელი კოლოსალური დანაკარგების ანაზღაურებას ცდილობს.

ოთხშაბათის, 24 თებერვლის სესიაზე, თბილისის დროით 09:55 საათისთვის, ეტალონური კრიპტოვალუტის ფასი 0,41%–ით არის გაზრდილი და ერთი ციფრული მონეტა $50,4 ათასი ღირს. 7–დღიანმა ზრდამ კი 2,19%–ს მიაღწია.

ბიტკოინის საბაზრო კაპიტალიზაცია, რომელიც რამდენიმე დღის წინ ტრილიონსაც ასცდა, გუშინდელი ვარდნის შემდეგ შემცირებულია და $939,5 მლრდ–ს აღწევს.